BMG-niň Baş Assambleýasy 25-nji maýy Bütindünýä futbol güni diýip yglan edýän rezolýusiýany kabul etdi. Bu barada TASS habar berýär.
Bu karar 1924-nji ýylda Pariždäki tomusky Olimpiýa oýunlarynyň çäklerinde dürli sebitlerden wekilleriň gatnaşmagynda geçirilen taryhda ilkinji halkara futbol ýaryşynyň 100 ýyllygyna bagyşlandy.
BMG-niň rezolýusiýasy agza ýurtlary şulara çagyrýar:
- - Sporty we fiziki işjeňligi, şol sanda futboly ösdürmek boýunça milli we ýerli maksatnamalary işläp taýýarlamaga we durmuşa geçirmäge;
- - Sportuň üsti bilen ilatyň fiziki we akyl saglygyny berkitmäge ýardam etmäge;
- - Jemgyýetde sport medeniýetini terbiýelemäge;
- - Milli ileri tutulýan ugurlara laýyklykda Bütindünýä futbol gününi bellemäge;
- - Beýlekiler bilen bir hatarda, bilim we maglumat beriş maksatnamalarynyň çäklerinde-de hemmeler üçin futbolyň peýdasy barada maglumat ýaýratmaga.
