"Barselona" "Žironadan" utulandan soň, Madridiň "Realy" möhletinden öň 2023/2024 möwsümde Ispaniýanyň futbol boýunça çempionatynyň çempiony boldy.
Düýn, çempionatynyň 34-nji tapgyr duşuşygynda "Real" "Kadisi" 3:0 hasabynda ýeňdi, katalon kluby bolsa "Žironadan" 4:2 hasabynda ýeňildi.
Şondan soň, 87 utuk toplan "Real" çempionatyň tamamlanmagyna dört tapgyr galanda bäsdeşleri üçin elýetmez boldy. Bu üstünlik madridliler üçin taryhynda 36-njy çempionlykdyr.
"Žirona" 74 utuk toplap, La Liganyň ýaryş jedwelinde ikinji orna çykdy, "Barselona" 73 utuk bilen üçünji ýere düşdi. Klublaryň ikisi hem indiki möwsümde Çempionlar ligasyna gatnaşmaklaryny kepillendirdiler.
