Ýaponiýanyň parlamentarileri üç günlük sapar bilen Türkmenistana geler

  • 02.05.2024 21:27
  • 3.1k+
Ýaponiýanyň parlamentarileri üç günlük sapar bilen Türkmenistana geler

Ýapon-türkmen Parlamentara dostluk toparynyň başlygy Toşiaki Endonyň ýolbaşçylygyndaky ýapon parlamentiniň wekiliýeti 12-14-nji maýda Türkmenistana sapar bilen geler. Bu barada 1-nji maýda Ýaponiýanyň ilçisi Hiroşi Sasakiniň Türkmenistanyň Mejlisiniň wekilleri bilen duşuşygynda belli boldy diýip, Türkmenistanyň Mejlisiniň Metbugat gullugy habar berýär.

Duşuşygyň dowamynda parlamentara dostluk toparynyň çäklerinde hyzmatdaşlygyň esasy meseleleri ara alnyp maslahatlaşyldy. Ilçi Hirosi Sasaki 12-14-nji maý aralygynda Ýaponiýa-Türkmenistan dostluk toparynyň başlygynyň ýolbaşçylygyndaky wekiliýetiň ýurdumyza sapar bilen gelmegi meýilleşdirýändigi barada habar berdi. Parlamentara dostluk toparynyň sapary ikitaraplaýyn hyzmatdaşlygy we parlamentara gatnaşyklaryny mundan beýläk hem ösdürmek üçin uly goşant bolup durjakdygy bellenilip geçildi. 
Taraplar döwletara hyzmatdaşlygyny parlament diplomatiýasynyň üsti bilen goldamaga, bu gatnaşyklaryň hukuk esaslaryny berkitmäge hem-de parlament we kanunçykaryjylyk işinde tejribe alyşmaga hemişe taýýardyklaryny beýan etdiler.
Belläp geçsek, Mejlisiň Başlygy Dünýägözel Gulmanowanyň ýolbaşçylygyndaky wekiliýet 2024-nji ýylyň fewralynda Tokio sapar bilen bardy.

Türkmen we german kompaniýalary hyzmatdaşlyk hakynda ylalaşyklara gol çekdiler
düýn 20:54
1.7k+

Türkmen we german kompaniýalary hyzmatdaşlyk hakynda ylalaşyklara gol çekdiler

Frankfurtda geçirilen Türkmenistanyň Ykdysadyýet günleriniň çäklerinde türkmen we german kompaniýalary maslahat beriş, logistika, oba hojalyk we gurluşyk tehnikalarynyň üpjünçiligi ýaly ugurlarda ikitaraplaýyn hyzmatdaşlyk baradaky birnäçe ylalaşyklara gol çekdiler...

CIET 2025-de Germaniýanyň, Hytaýyň, Ýaponiýanyň we BAE-niň kompaniýalary bilen ylalaşyklara gol çekildi
düýn 20:43
1.1k+

CIET 2025-de Germaniýanyň, Hytaýyň, Ýaponiýanyň we BAE-niň kompaniýalary bilen ylalaşyklara gol çekildi

«Awaza» milli syýahatçylyk zolagynda «Türkmenistanyň gurluşyk, senagat, himiýa, energetika pudaklarynyň ösüşi» atly maslahatyň çäklerinde B2G formatyndaky ikitaraplaýyn duşuşyklar geçirildi. Iri halkara kompaniýalaryň we ýurdumyzyň döwlet düzümleriniň ýolbaşçylarynyň arasynda geçirilen bu gepleşikler geljekki ylalaşyklar üçin berk binýady goýdy...

Awazadaky CIET 2025 halkara forumynyň birinji gününiň esasy netijeleri
düýn 20:33
1.3k+

Awazadaky CIET 2025 halkara forumynyň birinji gününiň esasy netijeleri

3-4-nji noýabrda «Awaza» milli syýahatçylyk zolagynda geçirilen «Türkmenistanyň gurluşyk, senagat, himiýa, energetika pudaklarynyň ösüşi» atly halkara sergi we maslahat gurluşyk, senagat önümçiligi, energetika, himiýa senagaty, ýol gurluşygy pudaklarynda ýurdumyzyň gazananlary, dünýä belli kompaniýalaryň ýöriteleşdirilen enjamlary, öňdebaryjy tehnologiýalary bilen tanyşmaga mümkinçilik berdi...

Serdar Berdimuhamedow iş sapary bilen Amerikanyň Birleşen Ştatlaryna ugrady
düýn 14:46
7.2k+

Serdar Berdimuhamedow iş sapary bilen Amerikanyň Birleşen Ştatlaryna ugrady

Şu gün, 4-nji noýabrda Prezident Serdar Berdimuhamedow «Merkezi Aziýa + ABŞ» formatyndaky (C5+1) Sammite gatnaşmak üçin iş sapary bilen Amerikanyň Birleşen Ştatlaryna ugrady. Bu barada TDH habar berýär. Aşgabadyň Halkara howa menzilinde döwlet Baştutanyny ýurdumyzyň resmi adamlary ugratdylar...