57 sany iň uly uglewodorod we sement öndürijisi dünýädäki bug gazlarynyň zyňyndylarynyň tas 80%-ine jogapkärdir. Bu barada Carbon Majors-yň gözleglerine salgylanyp, “The Guardian” neşiri habar berýär.
Hünärmenleriň täze hasabatyna görä, dünýädäki iň uly 57 nebit, gaz, kömür we sement öndürijisi, şol sanda ExxonMobil, Shell, BP, Chevron we TotalEnergies zyňyndylary azaltmagyň deregine önümçiligi artdyrýarlar, bu hem klimat çökgünligini güýçlendirýär.
Pariž klimat şertnamasynyň baglaşylandygyna garamazdan, soňky ýedi ýylda bu kompaniýalaryň arasynda önümçilik we kömürturşy gazynyň zyňyndylary ýokarlandy.
Iň uly 57 hapalaýjynyň sanawyndan 65% döwlet we 55% hususy kärhanalar öz önümçilik kuwwatyny artdyrdylar. Zyňyndylaryň iň uly möçberi ExxonMobil amerikan kompaniýasynyň paýyna düşýär (umumy global görkezijiden 1,4%). Shell, BP, Chevron we TotalEnergies global zyňyndylaryň, takmynan, 1%-ini öndürýärler.
Gözlegçilerde döwlet kompaniýalaryndan, aýratynam, Aziýada zyňyndylaryň çalt artmagy howsala döredýär.
Hünärmenler bu kompaniýalardan zyňyndylary azaltmak boýunça aýgytly hereketler bolmazdan, howanyň üýtgemeginiň betbagtçylykly netijeleriniň öňüni almak mümkinçiliginiň az boljakdygyny belleýärler.
