Hytaýda flagman Intel prosessory we Nvidia wideo kartasy bilen üpjün edilen inçe we kuwwatly AtomMan oýun mini-kompýuteriniň tanyşdyrylyş dabarasy boldy. Bu barada MyDrivers portaly habar berýär.
AtomMan-yň ölçegleri 396,5x236,4x32,5 mm. Şeýle kiçijik göwrümde enjam 24 ýadroly Intel Core i9-14900HX prosessoryna we noutbuklarda ulanylýan Nvidia GeForce RTX 4070 Laptop wideo kartasyna eýe bolmagy başardy.
Iki wentilýatordan we bäş sany mis ýylylyk turbasyndan ybarat Cold Wave Pro sowadyş ulgamy enjamyň optimal temperaturasyny saklamaga jogapkärdir. Üpjün edilýän elektrik üpjünçiliginiň iki iş tertibi bar – oýun we ofis iş tertibi bar, olar birinden beýlekä bir düwmä basmak arkaly geçýär.
Mini kompýuter 96 GB çenli operatiw ýat we 4 TB çenli SSD gurnamagy goldaýar. Elýeterli birikdirijilerde RJ-45, USB 3.2 Gen2 Type-A, Thunderbolt 4 we HDMI 2.1 bilen USB-C bar. Adaty bolmadyk mini-kompýuteriň resmi bahasy 20-nji maýda yglan ediler.
