Android bilen işleýän smartfonlary ulanyjylar ýerleşýän ýerlerini netijeli gizläp bilerler. Bu barada Android Authority-niň hünärmeni Mişaal Rahman gürledi.
Ol Android 15-iň täze beta nusgasyny öwrendi we täze gizlinlik sazlamalarynyň bardygyny ýüze çykardy. Şeýlelikde, ulanyjylar hakyky ýerleşýän ýerlerini öýjükli stansiýalardan we aragatnaşyk operatorlaryndan gizläp bilerler.
Hünärmen operatoryň öýjükli stansiýalardan iberilen signaldan abonentiň ýerleşýän ýerini kesgitläp biljekdigini düşündirdi. Bu maglumatlary üçünji taraplar peýdalanyp, mahabat ibermek, maglumatlary ogurlamak ýa-da bikanun işler etmek üçin ulanyp bilerler. Öçürilen wagtynda telefon ýüze çykarylmagynyň öňüni alýar we ulanyjynyň gizlenmegine mümkinçilik berýär.
Mişaal Rahman smartfonyň gözleg tertibinde ýa-da gyssagly kömek hyzmatlaryna jaň edilen wagtynda enjamyň tapylmagyny ýönekeýleşdirmek üçin bu funksiýanyň işlemejekdigini belledi. Şeýle hem awtor bu funksiýany ähli smartfonlaryň goldamajakdygyny aýtdy.
