Täze Zelandiýanyň ýerli maori halkynyň patyşasy Tuheitia Potatau Te Ferofero VII kitlere adamlaryňky ýaly hukuklarynyň berilmelidigini aýtdy. Mundan başga-da, ol bu süýdemdirijileriň goragyny üpjün etmek üçin olaryň şahsyýetini ykrar etmegi teklip etdi.
Patyşa «Deňiz Jarnamasyna» gol çekdi, bu resminamany birnäçe Polineziýa jemgyýetiniň ýolbaşçylary goldadylar. «Deňiz Jarnamasy» kitleri kanunçylygyň subýektine öwürmegiň zerurlygy baradaky düzgünleri kesgitlemegi maksat edinýär. Resminamada olary goramagyň üçin giňişleýin we usuly meýilnamasy beýan edilýär.
Birinjiden, deňizde goralýan çäkleri döretmek, ikinjiden, bu süýdemdirijileri goramak meselesine has bitewi çemeleşmek üçin «milli paýhas» bilen ylmy bilimleri birleşdirmek göz öňünde tutulýar.
Kitleriň özleri «üýtgewsiz hukuklary bolan kanuny şahslar» hökmünde ykrar edilmelidir, bu bolsa haýwanlaryň hereket azatlygyna, özlerini tebigy alyp barmaklaryna, özboluşly medeniýetini ýaýratmaga, sagdyn gurşawda ýaşamagyna we öz ilatynyň sanyny dikelmegine ýardam bermelidir.
