Merýem Agajanowa we Allaýar Şirliýew küşt boýunça Türkmenistanyň çempiony boldular

  • 19.03.2024 13:29
  • 17675
Merýem Agajanowa we Allaýar Şirliýew küşt boýunça Türkmenistanyň çempiony boldular

Aşgabatda 2024-nji ýylyň Türkmenistanyň küşt çempionaty ýaryşy tamamlandy. Harby gullukdaky 21 ýaşly esger Allaýar Şirliýew we Aşgabatdan 17 ýaşly mekdep okuwçysy Merýem Agajanowa karýerasynda ilkinji gezek ýurduň çempionlary boldular.

4-nji martdan 17-nji mart aralygynda geçen çempionatyň Ýokary ligasyna Türkmenistandan iň güýçli 8 küştçi we zenan küştçi gatnaşdy.

Şirliýew mümkin bolan 14 utukdan 11,5 utuk gazanyp, ýakyn bäsdeşinden bir utuk öňe geçdi.

Zenanlaryň ýaryşynda Agajanowa 12 utuk gazanyp, Läle Şöhradowadan bir utuk öňe geçdi.

Ýaryşyň jemi boýunça Wengriýanyň paýtagty Budapeştde geçiriljek Bütindünýä küşt olimpiadasyna gatnaşmak üçin Türkmenistanyň milli ýygyndysynyň düzümi emele getirildi.

Erkekler ýygyndysyna Allaýar Şirliýew, Amanmuhammet Hommadow, Wepaly Halynyýazow, Saparmyrat Atabaýew we Meýlis Annaberdiýew girdi. 4-nji orny eýelän 16 ýaşly Azym Saryýew ýurduň ulular ýygyndysynyň ätiýaçdaky düzümine goşuldy. Garaşylmadyk ýagdaýda 2023-nji ýylyň çempiony Maksat Atabaýew ýaryşdan çekildi – ilkinji iki tapgyrda ýeňlenden soň, halkara grossmeýster ýaryşa gatnaşmagyny bes etdi.

Ýurduň zenanlar ýygyndysyna Merýem Agajanowa, doganlar Läle we Leýla Şöhradowalar, Jahan Rejepowa we Eneş Arazmedowa girdi.

Ýaryşyň netijeleri we geçirilen oýunlaryň wideo-seljermeleri bilen Chess.Results.com saýtynda tanşyp bilersiňiz. 


şu gün 09:10
8476

Türkmenistanly türgenler Parižde Olimpiada — 2024-iň açylyş dabarasyna gatnaşdylar

26-njy iýulda Fransiýanyň paýtagtynda XXXIII tomusky Olimpiýa oýunlarynyň açylyş dabarasy boldy. Oňa Türkmenistanyň türgenleri hem gatnaşdylar. 1896-njy ýylda fransuz jemgyýetçilik işgäri Pýer de Kuberten tarapyndan...

düýn 15:26
5812

Türkmen dzýudoçylary Parižde geçiriljek Olimpiadada garşydaşlaryny bildiler

Parižde dzýudo boýunça Olimpiýa ýaryşynyň bije çekişigi geçirildi. Oýunlar-2024-de Türkmenistana Serdar Rahymow (66 kg çenli) we Maýsa Pardaýewa (57 kg çenli) wekilçilik edýär. Ýaryşlaryň birinji tapgyrynda (1/16...

25.07.2024 13:40
4484

Türkmenistan sportda dopinge garşy göreş kanunçylygyny kämilleşdirýär

Ýakynda «Sportda dopinge garşy göreşmek hakynda» Türkmenistanyň Kanunyna üýtgetmeler girizildi. Resminamanyň doly görnüşi "Türkmenistan: Altyn asyr" elektron neşirinde çap edildi. Resminama laýyklykda, bedenterbiýe...

25.07.2024 12:04
7891

Türkmen türgenleri Pariždäki Olimpiadada haçan çykyş ederler?

Parižde geçiriljek XXXIII tomusky Olimpiýa oýunlarynda Türkmenistana sportuň dört görnüşinde – dzýudo, agyr atletika, ýeňil atletika we suwda ýüzmek boýunça alty türgen wekilçilik eder. Oýunlar 26-njy iýuldan 11...