GPD kämilleşdirilen aýratynlyklar we AMD Ryzen 8000 prosessorlary bilen üpjün edilen ykjam Win Mini konsolynyň 2024-nji ýyldaky täze görnüşini yglan etdi.
Win Mini 2024 iki görnüşde elýeterli bolar: 6 ýadroly Ryzen 5 8640U prosessor we 8 ýadroly Ryzen 7 8840U prosessor bilen. Olarda grafikanyň derejesine, degişlilikde, Radeon 760M we Radeon 780M grafiki ýadrolary jogap berýär, olar oýunlarda we beýleki programmalarda ýokary öndürijiligi üpjün edýärler. GPD-de bellemeklerine görä, LPDDR5-6400 ýady bilen üpjün edilen uly model hasaplaýyş kuwwaty boýunça GeForce GTX 1660 Ti-den üstün bolar. Konsol 16-dan 64 GB-a çenli operatiw ýatly nusgalarda elýeterli bolar.
Konsolda Full HD durulygy, 120 Gs täzelenme tizligi we 500 nit ýagtylygy bolan 7 dýuýmlyk IPS ekrany bar. Mundan başga-da, displeý kadrlar doňmazdan ýa-da bölünmezden, şekilleriň ýokary hilli görünmegi üçin adaptiw VRR sinhronizasiýasyny we FreeSync Premium tehnologiýasyny goldaýar. Ekran taplanan Corning Gorilla Glass 6 bilen goralýar.
Ryzen 7 8840U prosessorly GPD Win Mini 2024-iň esasy nusgasynyň bahasy 880 dollar bolar.
