Lionel Messiniň şärikli eýeçiligindäki “Inter Maýami” amerikan futbol kluby aýlyk haklarynyň bellenen kadadan ýokary bolmagy sebäpli MLS-iň düzgünleriniň bozulmagy bilen ýüzbe-ýüz bolýar. Topar 20-nji fewrala çenli çykdajylaryny azaltmagyň ýoluny tapmaly, ýogsam oňa garşy sanksiýalar ulanylyp bilner.
The Athletic-iň berýän maglumatyna görä, “Inter Maýami” goşmaça girdeji çeşmesini tapmaly ýa-da ýokary aýlykly oýunçylaryndan birini satmaly bolar. Gidirilip bilnäýjek dalaşgärleriň biri hem braziliýaly ýarym goragçy Gregori bolup biler.
Neşiriň çeşmeleri klubuň ýagdaýynyň "ýaramazdygyny" tassyklaýarlar. “Inter Maýaminiň” ýolbaşçylary Serhio Busketsi hem, Lionel Messini hem ýitirmek islemeýär, şonuň üçin Gregori topardan çykarylyp bilinjek ýeke-täk dalaşgär.
Messi “PSŽ”-däki iki möwsümden soň, 2023-nji ýylyň tomsunda “Inter Maýamä” geçdi. MLS-de 14 oýunda 11 pökgi geçirip, 5 gezek netijeli pas berdi. 2023-nji ýylyň awgust aýynda argentinaly oýunçy “Inter Maýami” bilen Liganyň Kubogyny aldy.
Häzir MLS-de möwsümara arakesme, täze möwsüm mart aýynda başlar. “Inter Maýami” aýlyk haklary meselesini 20-nji fewrala çenli çözmeli, ýogsam kluba jerime salynmak, utuk aýyrmalar we beýleki sanksiýalar garaşýar.
