Afrikanyň Futbol konfederasiýasy (CAF) Afrika milletleriniň kubogynyň simwoliki toparyny hödürledi. Bu barada championat.com habar berýär.
Simwoliki toparyň tälimçisi pleý-off tapgyrynda Kot-d’Iwuara ýolbaşçylyk eden Emers Fae boldy. Ol toparlaýyn tapgyrda şowsuz çykyş sebäpli işinden aýrylan Žan-Lui Gasseniň ornuny eýeledi. Gasseniň ýolbaşçylygynda topar öz kwartetinde 3-nji orny eýeläpdi. Netijede, Fae topary bu ýaryşyň taryhynda üçünji çempionlygyna getirdi.
Derwezeban: Ronwen Uillms (GAR).
Goragçylar: Ola Aýna (Nigeriýa), William Trost-Ekong (Nigeriýa), Şansel Mbemba (Kongo DR), Gisleýn Konan (Kot-d’Iwuar).
Ýarym goragçylar: Teboho Mokoena (GAR), Žan Mişel Seri (Kot-d’Iwuar), Frank Kessýe (Kot-d’Iwuar).
Hüjümçiler: Ýoan Wissa (Kongo DR), Ademola Lukman (Nigeriýa), Emilio Nsue (Ekwatorial Gwineýa).
Ýatlap geçsek, 2024-nji ýylyň Afrika milletleriniň kubogy 13-nji ýanwardan 11-nji fewral aralygynda Kot-d’Iwuaryň bäş şäherinde (Abijan, Buake, Korogo, San-Pedro, Ýamusukro) geçirildi. Ýaryşa 24 milli topar gatnaşdy.
Ýaryşyň iň köp titully milli ýygyndysy Müsüriň toparydyr (7).
