FIFA öz saýtynda geçen gyşky transfer penjiresindäki transferler barada hasabaty neşir etdi. Bu barada rbc.ru habar berýär.
Klublar jemi 1,46 mlrd dollar sarp etdiler – erkekleriň arasyndaky futbol üçin bu gyşky transfer penjiresindäki çykdajylaryň mukdary boýunça ikinji görkezijidir. Rekord geçen ýyl goýuldy ($1,57 mlrd).
Erkekleriň we zenanlaryň futbolynda transferleriň umumy sany 5073 boldy we bu täze rekorddyr.
Fransuz klublary 291,9 mln dollar umumy çykdajy bilen transfer çykdajylary boýunça sanawda birinji orny eýelediler. Olaryň bu görkezijisi geçenki ýanwar penjiresinde sarp edilen mukdardan iki esseden gowrakdyr.
Angliýanyň klublarynyň çykdajylary 2023-nji ýylyň ýanwar aýyndaky rekord ($898,6 mln) bilen deňeşdirilende tas 80% azaldy. Muňa garamazdan, Angliýa transferlere iň köp çykdajy eden ýurtlaryň sanawynda ikinji orny eýeleýär ($184 mln).
Zenanlaryň futbolynda hem çykdajylar boýunça rekord goýuldy – 2,1 mln dollar. Umumy mukdar 165,5% ýokarlandy. Şol bir wagtyň özünde, transferleriň sany tas şol bir derejede galdy – bu görkeziji 0,3% ýokarlandy.
