Asus kompaniýasy ýakyn wagtda bildiriş ediljek täze Zenfone 11 Ultra flagman smartfonyny görkezmäge taýynlanýar. Meşhur insaýder Ewan Bless Internetde enjamyň ýokary hilli görnüşlerini neşir etdi we aýratynlyklaryny açdy.
Asus Zenfone 11 Ultra-nyň Full HD + durulygy we 144Hz täzelenme tizligi bolan 6,78 dýuýmlyk OLED ekrany bolar. Smartfonyň öndürijiligi 16 Gb RAM we 512 GB içerki ýady bilen birlikde iň soňky Qualcomm Snapdragon 8 Gen 3 prosessor tarapyndan dolandyrylar.
Smartfonyň esasy kamerasy üç moduldan ybarat bolar: 50 megapikselli Sony IMX890 datçigi, 3x optiki zumly 32 megapikselli telefon obýektiwi we 13 megapiksel ultra giň burçly obýektiw. Öň kamerasy 32 megapiksel durulykda bolar.
Smartfonyň batareýasy 5500 mAh kuwwata eýe bolup, 65 Wt-lyk çalt simli zarýad bermegi we 15 Wt-lyk simsiz zarýad bermegi goldaýar. Şeýle hem, smartfonda stereodinamika, ekranda barmak yzy skaneri, USB-C porty we gulaklyklar üçin deşik bolar.
Şeýle hem, Ewan Bless ýakyn wagtda hödürlenjek, orta bahaly Samsung Galaxy A55 we Galaxy A35 smartfonlarynyň görkezijilerini paýlaşdy. Insaýder Sony Xperia 5 II, Galaxy Note20, Galaxy Z Fold 2, Galaxy Tab S7, Galaxy Watch 3, Samsung Galaxy Buds Live, Xiaomi 12, Xiaomi 12T we Xiaomi 12T Pro ýaly dürli enjamlar barada takyk maglumatlary berendigi bilen tanalýar.
