Tomusda 35 ýaşdan uly öňki futbolçylaryň arasynda ýyldyzlaryň dünýä çempionaty geçiriler. Bu barada “Daily Mail” neşirine salgylanyp, championat.com habar berýär.
Çeşmäniň maglumatlaryna görä, bu ýaryşa sekiz toparyň gatnaşmagy meýilleşdirilýär:
Angliýa: Stiw Makmanaman, Robbi Fauler, Maýkl Ouen, Eşli Koul, Jo Koul, Rio Ferdinand, Frenk Lempard, Dewid Jeýms.
Argentina: Esteban Kambýasso, Ernan Krespo, Pablo Sabaleta.
Braziliýa: Emerson, Kaka, Ronaldinýo, Roberto Karlos, Riwaldo.
Germaniýa: Kewin Kurani, Mesut Ozil, Sami Hedira.
Ispaniýa: Miçel Salgado, Dawid Wilýa, Karles Puýol, Iker Kasilýas (eger lukmanlar ýürek näsazlygyndan soň rugsat berseler).
Italiýa: Marko Materassi, Fabio Kannawaro, Françesko Totti.
Urugwaý: Diego Lugano, Diego Forlan.
Fransiýa: Kristian Karambýo, Týerri Anri, Marsel Desaýi.
Habar berlişi ýaly, ýaryş 4-nji iýundan 11-nji iýun aralygynda Angliýada geçiriler. Oňa milli ýygyndy üçin oýnan ýa-da ýokary ligada 100-den gowrak oýun geçiren 35 ýaşdan uly futbolçylara gatnaşmaga rugsat berilýär. 11-e 11 oýunlary 70 minut dowam eder.
