«Real» 2022/23-nji möwsümiň netijeleri boýunça dünýäde iň girdejili klub boldy

  • 25.01.2024 23:59
  • 13k+

«Deloitte» halkara konsalting kompaniýasy 2022/23-nji möwsümiň netijeleri boýunça iň girdejili Ýewropa klublarynyň sanawyny düzdi.

Birinji orny (geçen möwsüm bilen deňeşdirilende) 831 million ýewro gazanan Madridiň «Realy» eýeledi. Ikinji orunda Angliýanyň premýer-ligasynyň (APL) we Çempionlar ligasynyň ýeňijisi «Mançester Siti» (826 million) ýerleşdi. «Şäherliler» geçen möwsümde sanawyň birinji ornuny eýeläpdi. «Pari Sen-Žermen» üçünji orny eýeledi (802 million).
Ýewropanyň öňdebaryjy 20 klubunyň girdejisi 14% ýokarlanyp, rekord derejede 10,5 milliard ýewro ýetdi. Muňa geçirilen duşuşyklardan we mahabatdan gelýän girdejiler hem degişlidir. Täjirçilik girdejileri teleýaýlym girdejilerinden ýokary bolup, 2015/16-njy möwsümden bäri ilkinji gezek iň uly gazanç çeşmesine öwrüldi.
Iň girdejili on klubuň sanawyna «Barselona» (800,1 million), «Mançester Ýunaýted» (745,8), Mýunheniň «Bawariýasy» (744), «Liwerpul» (682,9), Londonyň «Tottenhem» (631,5), «Çelsi» (589.4) we «Arsenal» (532,6) klublary girýär.


düýn 19:28
1.6k+

EA Sports FC 26-da Ibragimowiç, Inýesta, Totti we beýleki rowaýaty oýunçylar peýda bolar

Electronic Arts kompaniýasy futbol simulýatorynyň täze görnüşiniň — EA Sports FC 26 oýnunyň tanyşdyrylyşyna taýynlyk görýär. Oýun iýul aýynda resmi taýdan hödürlener, onuň çykjak senesi bolsa sentýabryň soňlaryna garaşylýar...

düýn 12:05
7.4k+

Klublaýyn dünýä çempionatynyň 1/8 finalyna gatnaşyjylaryň ählisi belli boldy

Amerikanyň Birleşen Ştatlarynda futbol boýunça Klublaýyn dünýä çempionatynyň toparçalaýyn tapgyrynyň 3-nji duşuşyklarynyň soňky oýun güni tamamlandy. H toparyň jemleýji duşuşyklarynda Madridiň «Realy» «Zalsburgy» 3:0 hasaby bilen ýeňdi...

düýn 10:22
6.7k+

Ronaldu "Al-Nasr" bilen şertnamasyny 2027-nji ýyla çenli uzaltdy

Kriştianu Ronaldu Saud Arabystanynyň «Al-Nasr» futbol kluby bilen şertnamasyny 2027-nji ýylyň tomsuna çenli uzaltdy. Bu barada toparyň resmi saýty habar berdi. 40 ýaşly portugaliýaly hüjümçiniň öňki şertnamasy 2025-nji ýylyň 30-njy iýunynda tamamlanmalydy...

25.06.2025 16:41
15k+

Türkmenistanyň milli ýygyndysynyň öňki tälimçisi litwa klubuna bellenildi

Türkmenistanly hünärmen Mergen Orazow Litwanyň “Dainawa” futbol toparynyň baş tälimçisi wezipesine bellenildi. Bu barada toparyň metbugat gullugy habar berdi. Ýewropa klubuna geçmegi tälimçiniň karýera  ösüşinde täze tapgyr boldy...