Aktrisa Margo Robbi we onuň stilisti Endrýu Mukamal “Barbi” filminiň global promo-syýahatyndan obrazlary öz içine alýan kitaby çykarar. Bu barada Mukamal sosial ulgamlarda habar berdi diýip, gazeta.ru belleýär.
Kitap “Barbi: dünýä syýahaty” adyny aldy. Reliz 8-nji marta meýilleşdirilýär. Kitabyň daşlygynda Margo Robbi Mattel kompaniýasynyň meşhur gurjagynyň obrazynda görkezilýär. Aktrisada ýalpyldawuk üstki geýim, Chanel-iň gülgüne twid geýimi we aýagynda bolsa ökjeli köwüş bar.
Endrýu Mukamal kitaby döretmek pikiriniň 2023-nji ýylyň mart aýynda “Barbi” filminiň metbugat syýahaty üçin Margo Robbiniň garderoby barada pikirlenen wagty peýda bolandygyny aýtdy.
“Bu kitap – söýginiň miwesi. Ol dünýädäki ähli Barbi söýüjilerine we moda muşdaklaryna bagyşlanýar” – diýip, stilist ýazdy.
