Türkmenistanyň Şekillendiriş sungaty muzeýinde Magtymguly Pyragynyň doglan gününiň 300 ýyllygy mynasybetli yglan edilen döredijilik bäsleşiginiň ýeňijilerini sylaglamak dabarasy boldy. Bu barada “Neýtralnyý Türkmenistan” gazeti habar berýär.
Bu çäre Türkmenistanyň Medeniýet ministrligi we Telewideniýe, radiogepleşikler we kinematografiýa baradaky döwlet komiteti tarapyndan gurnaldy.
Bäsleşige şahyrlar, ýazyjylar, ýokary okuw mekdepleriniň mugallymlary we talyplar, orta we ýöriteleşdirilen mekdepleriň mugallymlary we okuwçylary, şeýle-de ýurduň dürli künjeginden türkmen şahyrynyň döredijiligine hormat goýujylar gatnaşdy.
Bäsleşige gatnaşyjylar Pyragynyň şahsyýetine we döredijiligine bagyşlanan edebi we publisistik eserlerini hödürlediler.
Ýeňijilere Hormat hatlary we ýadygärlik sowgatlary gowşuryldy.
