Bir aý mundan ozal Toyota Prius Ýaponiýada iň gowy awtomobil bolupdy, häzir bolsa täze Prius ABŞ-da 2024-nji ýylyň awtomobili adyna mynasyp boldy. Bu barada ixbt.com habar berýär.
ABŞ-da 2024-nji ýylyň North American Car, Truck, and Utility Vehicle of the Year (NACTOY) baýragyny diňe bir adaty Prius däl, eýsem onuň zarýadlanýan görnüşi Prius Prime hem aldy. Bu 2004-nji ýyldan bäri NACTOY titulynyň Toyota markasyna berilýän ilkinji ýagdaýydyr. Täze nesliň gibrid awtomobili bu at ugrundaky göreşde Honda Accord we Ioniq 6 awtomobillerinden öňe geçdi.
2024-nji ýylyň ýük awtoulagy (ABŞ-da ýük awtoulaglary diýlip, adatça, pikaplar atlandyrylýar) Ford Super Duty boldy – oňa çekiş mümkinçiligi, ýük göterijiligi, kuwwaty we dört hereketlendirijiden saýlamak mümkinçiligi üçin ýokary baha berildi. Bu Ford-yň häzirki kategoriýada yzygiderli dördünji titulydyr.
Ýeňijileriň arasynda elektromobil hem bar: ABŞ-da 2024-nji ýylyň krossoweri Kia EV9 boldy.
