«Birmingem» Ueýn Runini baş tälimçi wezipesinden boşatdy

  • 04.01.2024 14:35
  • 5.2k+

Angliýanyň milli futbol ýygyndysynyň öňki hüjümçisi Ueýn Runi “Birmingem Sitiniň” baş tälimçisi wezipesinden aýryldy. Bu barada Championship-iň toparynyň resmi saýtyna salgylanyp, rsport.ria.ru habar berýär.

2023-nji ýylyň oktýabr aýynda “Birmingem” Runi bilen 3,5 ýyllyk şertnama baglaşdy. Hünärmeniň ýolbaşçylygynda topar 15 oýunda 2 ýeňiş gazanyp, 9 ýeňlişe sezewar boldy.
Habar berlişi ýaly, klubuň baş tälimçisi wezipesini professional ösüş boýunça tälimçi Stiw Spuner wagtlaýyn ýerine ýetirer.

“Netijeler ilkibaşda garaşylyşy ýaly bolmady. Geňeş tälimçiniň çalşylmagynyň klubuň bähbidine boljakdygyna ynanýar. Gynansak-da, nämedir bir zad-a tersine gitdi. Biz başga bir ugur boýunça hereket etmek kararyna geldik. Onuň yzyny dowam etjek tälimçini gözlemek işi haýal etmän başlaýar. Biz täzelikler bolan ýagdaýynda janköýerlere habar bereris” – diýlip, habarda aýdylýar.

Runi 38 ýaşynda, öň ol “Derbi Kaunti” toparyna-da ýolbaşçylyk etdi. Oýunçy hökmünde Angliýanyň “Ewerton” we “Mançester Ýunaýted” toparlarynda çykyş etdi. Runi mankunianlylaryň taryhynda iň gowy bombardir hasaplanýar.


şu gün 16:29
1.6k+

Nowak Jokowiç “Le-Man” fransuz futbol klubunyň maýadary boldy

Braziliýanyň OutField wençur gaznasy “Le-Man” fransuz futbol klubunyň egindeş eýesi boldy. Klubuň maýadarlarynyň biri serbiýaly tennisçi Nowak Jokowiç boldy diýlip, toparyň resmi saýtynda habar berilýär. Dünýäniň öňki birinji raketkasyndan başga-da, maýa goýum taslamasyna gatnaşyjylaryň arasynda “Formula-1-iň” öňki iki sürüjisi: braziliýaly Felipe Massa we daniýaly Kewin Magnussen bar...

şu gün 16:26
1.9k+

“Bawariýa” ýüz ýyl ozalky logotip bilen oýun eşigini hödürledi

Mýunheniň “Bawariýasy” geljek möwsüm üçin üçünji eşik toplumyny hödürledi. Toplumyň dizaýny gözenek nagşy bilen gara reňkde ýerine ýetirildi. Köýnekçäniň ýeňiniň agzy we ýakasy gyzyl, şeýle-de ýaşyl öwüşginler bilen bezeldi...

02.08.2025 19:29
14k+

Son Hyn Min «Tottenhemden» gidýändigi barada habar berdi

Londonyň “Tottenhem” futbol klubunyň hem-de Günorta Koreýanyň milli ýygyndysynyň hüjümçisi Son Hyn Min iňlis toparyndan gidýändigini mälim etdi. Klubuň kapitany tomusky transfer döwründe topar bilen hoşlaşar diýip, Sky Sports habar berýär...

02.08.2025 17:43
9.7k+

UEFA Çempionlar ligasynyň finalynda janköýerleriň başbozarlygy üçin “PSŽ-ä” jerime saldy

UEFA “Pari sen-Žermen” klubuna Çempionlar ligasynyň finalynda klubuň janköýerleriniň özüni talabalaýyk alyp barmandygy üçin 148 müň ýewro jerime saldy. Bu barada Sport.es neşiri habar berýär. Final oýnunda fransuz kluby Milanyň “Interini” 5:0 hasabynda utup, ilkinji gezek Ýewropanyň esasy klub ýaryşynyň ýeňijisi boldy...