Transfermarkt portaly dünýädäki iň gymmat goragçylaryň täzelenen reýtingini çap etdi.
Birinji we ikinji orny «Mançester Siti» toparynyň oýunçylary – horwatiýaly Ýoşko Gwardiol we portugaliýaly Ruben Diaş eýeledi. «Şäherlileriň» goragçylarynyň ikisiniň bahasy hem 80 million ýewro boldy.
Üçünji orunda «Arsenalyň» 22 ýaşly fransuz oýunçysy Wilýam Saliba ýerleşdi. Transfermarkt oňa 75 million ýewro baha berdi.
Dünýäniň iň gymmat 10 goragçysy:
- Ýoşko Gwardiol («Mançester Siti», 80 million ýewro);
- Ruben Diaş («Mançester Siti», 80 million ýewro);
- Wilýam Saliba («Arsenal», 75 million ýewro);
- Alfonso Dewis («Bawariýa», 70 million ýewro);
- Ronald Arauho («Barselona», 70 million ýewro);
- Eder Militao («Real Madrid», 70 million ýewro);
- Trent Aleksander-Arnold («Liwerpul», 70 million ýewro);
- Matteýs de Ligt ((«Bawariýa», 65 million ýewro);
- Kristian Romero («Tottenhem Hotspur», 65 million ýewro);
- Aşraf Hakimi («PSŽ», 65 million ýewro).
