Abraýly “Associated Press” neşiri “ýylyň türgeni” nominasiýasynda ýeňijini yglan etdi. Ol ses berişlikde 20 ses alan ýaponiýaly beýsbolçy Şoheý Otani boldy. Otani üç ýylyň içinde ikinji gezek AP-niň wersiýasy boýunça ýylyň türgeni hökmünde ykrar edilýär diýip, championat.com belleýär.
Nominasiýada ikinji orny “Inter Maýaminiň” argentinaly hüjümçisi Lionel Messi bilen serbiýaly tennisçi Nowak Jokowiç paýlaşdy. Olaryň hersi 16 ses aldy.
Ses berişlikde dördünji orny 12 ses alan “Denwer Naggetsiň” we Serbiýanyň basketbol ýygyndysynyň merkezi oýunçysy Nikola Ýokiç eýeledi.
