«Inter Maýami» kluby täze stadionynyň tribunalarynyň birine özüniň häzirki wagtda çykyş edýän oýunçysy — argentinaly hüjümçi Lionel Messiniň adyny dakar. Gürrüň sport desgasynyň gündogar tarapyndaky tribunasy barada gidýär, onuň açylyş dabarasy 4-nji aprele meýilleşdirildi.
Klubuň habar bermegine görä, bu dünýä sportunda heniz oýnap ýören oýunçynyň öz ady dakylan tribunasy bolan stadionda meýdança çykjak ilkinji ýagdaýy bolar.
Täze stadion «Nubank» kompaniýasy bilen baglaşylan şertnama esasynda «Nu Stadium» adyny aldy. Belläp geçsek, Messiniň janköýerleri «Barselonanyň» ady rowaýata öwrülen stadionyndan ylham alyp, bu meýdançany eýýämden «Camp Nu» diýip atlandyrýarlar.
«Inter Maýami» özüniň öý duşuşyklaryny 2026-njy ýylyň aprelinden başlap täze stadionda geçirip başlar.
Lionel Messi 2023-nji ýyldan bäri amerikan klubunda çykyş edýär. Geçen döwürde topar dört sany kubogy gazandy: Ligalar kubogy-2023, MLS-2024-iň yzygiderli çempionatynyň ýeňijileriniň kubogy, MLS-2025 kubogy we MLS-2025-iň Gündogar konferensiýasynyň ýeňijileriniň kubogy.
Argentinaly hüjümçi şeýle hem klubuň taryhynda iň netijeli oýunçy boldy — onuň hasabynda 94 duşuşykda 82 gol we 53 netijeli pas bar.
