Prezident Serdar Berdimuhamedow we türkmen halkynyň Milli Lideri, Halk Maslahatynyň Başlygy Gurbanguly Berdimuhamedow Hytaý Halk Respublikasynyň Başlygy Si Szinpine ýurduň Gansu we Sinhaý welaýatlarynda bolup geçen, köp sanly adam pidalaryna, şikes ýetmelere getiren ýertitreme zerarly gynanç hatyny iberdiler.
Türkmenistanyň ýolbaşçylary şu agyr pursatda gurban bolanlaryň dogan-garyndaşlaryna hem-de ýakynlaryna Türkmenistanyň halkynyň we Hökümetiniň adyndan, şeýle-de hut öz adyndan ýürekden gynanjyny, medet beriji sözlerini, ejir çekenlere bolsa tiz wagtda sagalmaklary baradaky dileglerini beýan etdiler.
Hytaýyň demirgazyk-günbatarynda 6,5 magnitudaly ýertitreme bolup geçdi. Esasy ýumrulmalar Gansu we Sinhaý welaýatlarynda bolup geçdi. Pida bolanlaryň sany 131-e ýetdi. Bu barada Hytaýyň Merkezi telewideniýesi habar berdi.
Onuň berýän maglumatlaryna görä, 113 adam Gansu welaýatynda, 18 adam Sinhaý welaýatynda aradan çykdy.
Yrgyldylar sebitiň dag gerişleriniň ählisinde, şol sanda Hytaýyň beýleki welaýatlarynda, Hindistanda, Russiýada we Gazagystanda hem duýuldy.
