Amaly geofizika institutynyň geliogeofiziki gullugy 15-nji dekabrda irden Günüň üstünde iki sany güýçli M klasly alawyň ýüze çykandygyny habar berdi.
"15-nji dekabrda Aşgabat wagty bilen sagat 12:15-de rentgen diapazonynda Gün tegmilleriniň 3514 (N03W61) toparynda 31 minutlyk M6.3 alawy hasaba alyndy; Aşgabat wagty bilen 12:34-de rentgen diapazonynda Gün tegmilleriniň 3514 (N03W63) toparynda 20 minutlyk M6.9 alawy hasaba alyndy " – diýip habarda aýdylýar.
Ozal 14-nji dekabrda hünärmenleriň Günüň üstünde soňky ýyllarda iň güýçli X2.9 klasly Gün alawyny hasaba alandyklary habar berlipdi, bu bolsa eýýäm “pes energiýaly proton akymlarynyň Ýere ýakyn kosmos giňişligine kürsäp girmegine” sebäp boldy.
Kosmosda howa gözegçiliginiň maglumatlaryna görä, Günüň rentgen şöhleleriniň Ýeriň ionosferasyna edýän täsiri häzirki wagtda 5 görkezijili ölçegde güýçli R3 derejä ýetdi, munda R1 - gowşak we R5 – ekstremal derejedir.
R3 derejesi Ýer ýüzünde pes ýygylykly radio aragatnaşygynda uzak möhletli bökdençlikleriň bolup biljekdigini aňladýar, bu gämileriň we uçarlaryň ýerleşýän ýerini kesgitlemekde ýalňyşlyklara, şeýle hem planetanyň ýagty tarapynda ýokary ýygylyk diapazonynda aragatnaşygyň uly zolaklarynda bökdençlikleriň we birnäçe sagatlap gämiler we uçarlar bilen radio aragatnaşygyň ýitirilmegi bilen bagly wakalaryň ýüze çykmagyna sebäp bolup bilýär.
Gün şöhleleri, rentgen şöhleleriniň güýjüne baglylykda bäş klasa bölünýär: A, B, C, M we X. Iň pes A0.0 synpy Ýeriň orbitasyndaky bir inedördül metre 10 nanowatlyk radiasiýa güýjüne laýyk gelýär. Indiki harpa geçsek güýç 10 esse ýokarlanýar. Alawlar, adatça, Gün plazmasynyň zyňyndylary bilen baglanyşykly bolup, bulutlaryň Ýere ýetmegi magnit tupanlarynyň güýjemegine getirip biler.
