Afrikada 2023-nji ýylyň iň gowy oýunçysy saýlandy

  • 14.12.2023 16:36
  • 6.7k+
Afrikada 2023-nji ýylyň iň gowy oýunçysy saýlandy

Nigeriýanyň milli ýygyndysynyň we Italiýanyň «Napoli» toparynyň hüjümçisi Wiktor Osimhen Afrika futbol konfederasiýasyna (CAF) görä, Afrikanyň iň gowy futbolçysy diýlip ykrar edildi.

«CAF Awards 2023» baýragynyň gowşurylyş dabarasy 11-nji dekabrda Marokkanyň Marrakeş şäherinde geçirildi. Osimhen 2023-nji ýylda «Napoli» toparyna 1990-njy ýyldan bäri ilkinji gezek Italiýanyň çempionlygyny gazanmaga kömek etdi.
Şeýle hem bu baýraga «Liwerpulyň» müsürli hüjümçisi Mohamed Salah we «Pari Sen-Žermenden» marokkoly Aşraf Hakimi dalaşgärlige hödürlenipdi.
Marokkanyň milli ýygyndysynyň ýolbaşçysy Walid Regragi ýylyň iň gowy tälimçisi diýlip ykrar edildi. Hünärmen ilkinji gezek afrikan milli ýygyndysyny dünýä çempionatynda üçünji orun ugrundaky duşuşyga çenli alyp gitdi, şonda marokkolylar 1:2 hasabynda horwatlardan utuldylar.

Tramp Ak tamda Messini kabul etdi we onuň Peleden hem üstündigini ykrar etdi
düýn 10:10
14k+

Tramp Ak tamda Messini kabul etdi we onuň Peleden hem üstündigini ykrar etdi

«Inter Maýami» klubynyň hüjümçisi we kapitany Lionel Messi, Ak tamda geçirilen dabaraly kabul edişlik wagtynda ABŞ-nyň Prezidenti Donald Tramp bilen duşuşdy. Çäre klubyň Futbol boýunça ýokary ligasyndaky (MLS) ýeňşine bagyşlanyp geçirildi...

«Atletiko» garşy salnan üç gol «Barselonany» ýurduň Kubogynyň finalyna çykaryp bilmedi
04.03.2026 11:44
8.6k+

«Atletiko» garşy salnan üç gol «Barselonany» ýurduň Kubogynyň finalyna çykaryp bilmedi

4-nji marta geçilýän gije Barselonada Ispaniýanyň Kubogynyň 1/2 finalynyň jogap oýnunda «Barselona» bilen Madridiň «Atletikosy» duşuşdy. Kataloniýalylar 3:0 hasabynda ýeňiş gazandy, emma finala çykmak üçin bu hasap ýeterlik bolmady...

Aşgabatda TFF-iň Kubogy ugrundaky ýaryş başlady
03.03.2026 15:21
6.4k+

Aşgabatda TFF-iň Kubogy ugrundaky ýaryş başlady

Şu gün, 3-nji martda Aşgabatda Türkmenistanyň Futbol federasiýasynyň (TFF) Kubogy ugrunda geçiriljek nobatdaky ýaryş başlandy. 12-nji marta çenli dowam etjek bu ýaryşda sekiz topar çykyş eder. Geçirilen bije çekişligiň...

FIFA-nyň prezidenti jedelli pursatlarda agzyny eli bilen ýapýan oýunçylary meýdançadan çykarmagy teklip etdi
02.03.2026 18:53
13k+

FIFA-nyň prezidenti jedelli pursatlarda agzyny eli bilen ýapýan oýunçylary meýdançadan çykarmagy teklip etdi

Halkara futbol federasiýasynyň (FIFA) prezidenti Janni Infantino meýdançadaky gapma-garşylykly pursatlarda agzyny elleri ýa-da köýnekçesi bilen ýapýan oýunçylara gyzyl duýduryş karty bermek arkaly jezalandyrmaga çagyrdy...