Ýewro – 2024-iň saýlama ýaryşynyň pleý-off tapgyrynyň bije çekişligi geçirildi.
Ýarym final oýunlaryna çykmak üçin toparlar üç toparça bölündi. «A» toparçada Polşa Estoniýa bilen, Uels bolsa Finlýandiýa bilen oýnar.
«B» toparçada Ukrainanyň milli ýygyndysy Bosniýa we Gersegowina bilen duşuşar. Şeýle hem şol toparçada Ysraýylyň we Islandiýanyň milli ýygyndylary finala çykmak üçin güýç synanyşarlar.
«C» toparçada bolsa Gruziýa bilen Lýuksemburgyň arasynda duşuşyk geçirer. Olar bilen birlikde, Gresiýa we Gazagystan hem Ýewro – 2024-e gatnaşmak üçin bäsleşerler.
Ýarym final oýunlary 2024-nji ýylyň 21-nji martynda geçiriler. Ýewro – 2024-e gatnaşmak üçin ýeňijileriň esasy oýunlary 26-njy martda geçiriler.
Ýewropa çempionaty 2024-nji ýylyň 14-nji iýunyndan 14-nji iýuly aralygynda Germaniýada geçiriler.
