Transfermarkt karýerasynda iň uly transfer çykdajylary bolan oýunçylary atlandyrdy

Transfermarkt portaly öz Telegram kanalynda tutuş futbol karýerasynda satyn alynmagy üçin umumy transfer çykdajylary ýokary bolan oýunçylaryň reýtingini ýerleşdirdi. Bu barada championat.com habar berýär.

Bu reýtingde birinji orny “Al-Hilýalyň” braziliýaly hüjümçisi Neýmar eýeledi, oňa üç transferi üçin 400 mln ýewro golaý çykdajy edildi. Ikinji orunda “Romanyň” hüjümçisi Romelu Lukaku ýerleşdi – onuň üçin sekiz transfere jemi 339 mln ýewro sarp edildi. Liderleriň üçlügini “Al-Nasryň” portugaliýaly hüjümçisi Kriştianu Ronaldu jemledi, onuň dört transferi üçin 247 mln ýewro sarp edildi.

Karýerasyndaky transferleri üçin iň köp çykdajy edilen oýunçylaryň ilkinji onlugy şeýle görnüşde:

1. Neýmar (“Al-Hilýal”, 3 transfer üçin 400 mln ýewro);
2. Romelu Lukaku (“Roma”, 8 transfer üçin 339 mln ýewro);
3. Kriştianu Ronaldu (Al-Nasr”, 4 transfer üçin 247 mln ýewro);
4. Usman Dembele (“PSŽ”, 3 transfer üçin 220 mln ýewro);
5. Alwaro Morata (Madridiň “Atletikosy”, 6 transfer üçin 189 mln ýewro);
6. Filippe Koutino (“Al-Duhail”, 5 transfer üçin 180 mln ýewro);
7. Antuan Grizmann (Madridiň “Atletikosy”, 4 transfer üçin 180 mln ýewro);
8. Kilian Mbappe (“PSŽ”, 1 transfer üçin 180 mln ýewro);
9. Anhel Di Mariýa (“Benfika”, 4 transfer üçin 179 mln ýewro);
10. Zlatan Ibragimowiç (karýerasyny tamamlady, 7 transfer üçin 169 mln ýewro).