«Gremionyň» hüjümçisi Luis Suares “Inter Maýaminiň” oýunçysy bolar. Bu barada ESPN-e salgylanyp, gazeta.ru habar berýär.
Çeşmäniň maglumatlaryna görä, urugwaýly hüjümçiniň geçişi eýýäm doly ylalaşyldy. Hüjümçiniň geçýändigi barada ýanwar aýynda yglan ediler. 31-nji dekabrda Suaresiň “Gremio” bilen şertnamasynyň möhleti tamamlanar. Şeýlelikde, hüjümçi amerikan toparyna erkin agent hökmünde geçer.
Ýatlap geçsek, “Inter Maýamä” Suaresiň “Barselonadaky” ýoldaşlary Lionel Messi, Serhio Buskets we Žordi Alba geçipdi.
Suares “Gremio” toparyna “Nasonaldan” geçdi. Onuň braziliýaly topar bilen şertnamasy 2024-nji ýyla çenli niýetlenýär. Öň, ol “Barselonada”, Madridiň “Atletikosynda” we “Liwerpulda” çykyş etdi. Suaresiň häzirki şertnamasynda onuň klub bilen hyzmatdaşlygy möhletinden ir bes edip biljekdigi bellenilýär.
Braziliýanyň Ýokary ligasynyň häzirki möwsüminde Suares 26 oýna gatnaşyp, 10 gol geçirdi we 10 netijeli geçirim etdi. Transfermarkt portalynyň hasaby boýunça, Suaresiň bazar bahasy 4 mln ýewro barabar.
