Retkliff «Mançester Ýunaýted» stadionynyň sygymyny 90 müňe ýetirmek isleýär

  • 18.10.2023 18:22
  • 5.8k+

Ineos himiki konserniniň eýesi, iňlis milliarderi Jim Retkliff Angliýanyň “Mançester Ýunaýted” futbol klubynyň öz öý oýunlaryny oýnaýan “Old Trafford” stadionynyň sygymyny 90 müňe çenli giňeltmekçi. Onuň klub ugrundaky esasy katarly bäsdeşi topary satyn almakdan ýüz öwrensoňб ol şeýle karara geldi. Bu barada “Taýms” gazeti habar berýär.

Retkliff penşenbe güni geçiriljek ýygnakda iňlis futbol klubynyň direktorlar geňeşiniň 1,3 milliard funt sterlinge (1,58 milliard dollar) klubyň 25 göterim paýyny almak baradaky teklibini tassyklamagyna umyt baglaýar. Häzirki wagtda 74 300 orunlyk “Old Trafford” -y gyssagly döwrebaplaşdyrmagyň we giňeltmegiň zerurlygy Retkliffiň iňlis toparynyň häzirki eýeleri, amerikan maşgalasy Gleýzerler bilen gepleşikleriniň möhüm bölegini emele getirendigi çak edilýär.
Kataryň Yslam Bankynyň prezidenti şeýh Jasim bin Hamad Al-Tani tarapyndan ýolbaşçylyk edilýän konsorsium klub üçin häzirki bahasy 3,2 milliard dollar bolan bazar bahasyndan iki esse köp puly teklip etmäge taýýardy. Şeýle-de bolsa, Gleýzerler, metbugatyň berýän maglumatyna görä, katarlylar üçin kabul ederliksiz şertleri öňe sürdüler.


düýn 21:35
3k+

Mundo Deportivo: "Barselona" transfer maksatlaryny kesgitledi: gysga sanawda — Keýn, Holland we Alwares

"Barselona" tomusky transfer penjiresi üçin ileri tutulýan oýunçylaryň sanawyny düzdi diýip, Mundo Deportivo habar berýär. Neşiriň maglumatyna görä, toparyň baş tälimçisi Hans-Diter Flik sport direktory Deku we sport komitetiniň beýleki agzalary bilen bilelikde güýçlendirmek üçin esasy pozisiýalary – çep aýakly merkezi goragçyny, wingeri (ganat hüjümçini) we merkezi hüjümçini kesgitlediler...

düýn 18:52
3.1k+

“Inter Maýami” Messi bilen MLS Kubogynyň finalyna çykdy we birnäçe rekord goýdy

30-njy noýabrda irden (Aşgabat wagty bilen) “Inter Maýami” MLS Kubogynyň pleý-offunyň ýarym finalynda “Nýu-Ýork Sitini” uly hasap bilen utdy. Fort-Loderdeýldäki oýun 5:1 hasabynda tamamlandy. Bu oýun şol bir wagtyň özünde MLS-iň Gündogar konferensiýasy 2025-iň finaly boldy...

29.11.2025 19:46
4.8k+

FIFA we Saud Arabystany ösýän ýurtlara 1 mlrd dollara çenli ýeňillikli karz berer

Halkara futbol federasiýasy (FIFA) Saud ösüş gaznasy (SFD) bilen Ähtnama gol çekdi. Onuň çäklerinde ösüp barýan ýurtlara 1 mlrd dollara çenli ýeňillikli karz berler. Serişdeler stadionlaryň hem-de töweregindäki infrastrukturanyň gurluşygyna we durkuny täzelemek işlerine gönükdiriler diýip, FIFA-nyň resmi saýtyndaky habarda aýdylýar...

29.11.2025 09:22
8.8k+

Ronaldu Milletler ligasyndaky ýeňiş üçin milli ýygyndydaky ýoldaşlaryna ýörite sagat sowgat etdi

Portugaliýanyň milli ýygyndysynyň kapitany Kriştianu Ronaldu UEFA-nyň Milletler ligasynda gazanylan ýeňiş mynasybetli tutuş topar üçin ýörite Jacob&Co sagatlaryny sargyt etdi. Bu barada SIC Noticias habar berýär...