Eden Azar professional karýerasyny tamamlady

  • 10.10.2023 17:02
  • 19k+

Madridiň “Realynyň” öňki futbolçysy Eden Azar professional karýerasyny tamamlady. Bu barada championat.com habar berýär.

“Gerek wagty diňlemegi we “dur” diýmegi başarmaly. 16 ýyldan we 700-den gowrak oýundan soň men professional futbol karýeramy tamamlamak kararyna geldim. Men tutuş Ýewropa we dünýä boýunça oýnamak arzuwymy hasyl etdim. Karýeramyň dowamynda ajaýyp adamlar, menejerler, tälimçiler, topardaşlar bilen tanyşdym. Men, aýratynam, oýnan klublaryma minnetdarlyk bildiresim gelýär: “Lill”, “Çelsi” we Madridiň “Realy”. Elbetde, Belgiýanyň milli ýygyndysyna-da minnetdarlyk bildirýärin. Durmuşymyň gowy we kyn döwürleri ýanymda bolan ýakynlaryma, dostlaryma, maslahatçylara we adamlara aýratyn sagbolsun aýdýaryn. Häzire çenli meniň bilen bolan muşdaklarym, siziň meniň oýnan her bir ýurdumdaky goldawyňyz üçin köp sagboluň. Ýakyn adamlarymdan lezzet almagyň we täze täsirleri gazanmagyň wagty geldi. Tiz wagtdan meýdançadan daşary görüşeris” – diýip, Azar sosial ulgamynda ýazdy.


şu gün 10:56
4k+

“ManÝunaýted” ýer dawasy sebäpli täze stadionyň gurluşygyna başlap bilmeýär

“Mançester Ýunaýted” futbol kluby täze stadionyň gurluşygyna taýýarlyk tapgyrynda kynçylyklar bilen ýüzbe-ýüz boldy. The Guardian neşiriniň habar bermegine görä, işe başlamak üçin kluba häzirki “Old Trafford” stadionynyň gapdalyndaky ýer bölegini satyn almak gerek...

düýn 16:29
3.2k+

Nowak Jokowiç “Le-Man” fransuz futbol klubunyň maýadary boldy

Braziliýanyň OutField wençur gaznasy “Le-Man” fransuz futbol klubunyň egindeş eýesi boldy. Klubuň maýadarlarynyň biri serbiýaly tennisçi Nowak Jokowiç boldy diýlip, toparyň resmi saýtynda habar berilýär. Dünýäniň öňki birinji raketkasyndan başga-da, maýa goýum taslamasyna gatnaşyjylaryň arasynda “Formula-1-iň” öňki iki sürüjisi: braziliýaly Felipe Massa we daniýaly Kewin Magnussen bar...

düýn 16:26
3.5k+

“Bawariýa” ýüz ýyl ozalky logotip bilen oýun eşigini hödürledi

Mýunheniň “Bawariýasy” geljek möwsüm üçin üçünji eşik toplumyny hödürledi. Toplumyň dizaýny gözenek nagşy bilen gara reňkde ýerine ýetirildi. Köýnekçäniň ýeňiniň agzy we ýakasy gyzyl, şeýle-de ýaşyl öwüşginler bilen bezeldi...

02.08.2025 19:29
14k+

Son Hyn Min «Tottenhemden» gidýändigi barada habar berdi

Londonyň “Tottenhem” futbol klubunyň hem-de Günorta Koreýanyň milli ýygyndysynyň hüjümçisi Son Hyn Min iňlis toparyndan gidýändigini mälim etdi. Klubuň kapitany tomusky transfer döwründe topar bilen hoşlaşar diýip, Sky Sports habar berýär...