“Inter Maýaminiň” hüjümçisi Lionel Messi Argentinanyň milli ýygyndysy bilen 2024-nji ýylda geçiriljek Amerikanyň kubogyna gitmek isleýändigini aýtdy diýip, championat.com habar berýär.
“Men 2026-njy ýylda geçiriljek dünýä çempionatynda oýnajakdygymy bilemok, men bu barada öňem aýdypdym. Men ýaryşa heniz wagtyň köp bolandygy üçin bu barada pikirlenmeýärin, häzirlikçe Amerikanyň kubogy hakda pikir edýärin.
Maksat – ABŞ-da geçiriljek Amerikanyň kubogyna gatnaşmak. Muny etmek gowy bolardy, biz eýýäm ABŞ-da Amerikanyň kubogynda oýnadyk, bu diýseň gowy boldy. Finalda utulsak-da, ýaryş biziň göwnümizden turdy: stadionlar, atmosfera, gezelençler” – diýip, “Infobae” Messiniň sözlerini getirýär.
2024-nji ýylda Amerikanyň kubogy ABŞ-da geçiriler. Ýaryşyň açylyş dabarasy 20-nji iýuna meýilleşdirilýär. Final 14-nji iýulda bolar. Ýaryşa jemi 16 topar gatnaşar (on günorta amerikan we alty demirgazyk amerikan topary).
Häzirki möwsümde Messi ABŞ-da 12 oýna gatnaşyp, 11 gol girizdi we 5 netijeli geçirim etdi.
