Amerikan HBS-niň maglumatlaryna görä, “Inter Maýami” we “Los-Anjeles” toparlarynyň arasyndaky oýun üçin giriş petekleriniň bahalary ABŞ-nyň we Kanadanyň Ýokary futbol ligasynyň (MLS) taryhynda iň ýokary baha boldy diýip, zakon.kz habar berýär.
MLS çempionatynyň çäklerinde “Los-Anjeles” we “Maýami” duşuşygynyň petekleri üçin ortaça baha, takmynan, 690 dollara barabar. Bu öň 110 dollar bolan MLS oýny üçin petegiň adaty bahasyndan 527% ýokarydyr.
Bu oýundan bary-ýogy birnäçe gün öň onlaýn kassalarda iň arzan petek 785 dollara satyldy. Şu ýerde gyzykly tendensiýa üns berildi: Lionel Messiniň gatnaşmaýan oýny ep-esli “arzanlaýar”. Deňeşdirmek üçin: indiki LAF oýny üçin iň arzan petek 80% arzandyr – bir orun üçin 151 dollar.
Bu oýna islegiň ýokary bolmagy “Los-Anjelesiň” MLS-iň iň meşhur toparlarynyň biridigi bilen hem baglanyşyklydyr. Üstesine-de, Los-Anjelese dünýäniň iň meşhur futbolçylarynyň biri geler.
Belläp geçsek, Messiniň amerikan Ligasynda peýda bolmagy petekleriň gymmatlamagyna düýpli täsir etdi. Onuň gatnaşmagynda geçirilen çempionatyň birinji oýnunda petekleriň bahasy adatdakysyndan tas 1000% ýokarydy.
