Ispaniýanyň milli ýygyndysynyň futbolçysy Aýtana Bonmati UEFA tarapyndan 2022/2023-möwsüminiň iň gowy zenan futbolçysy diýlip saýlandy. Bu barada championat.com habar berýär.
Ispaniýaly ýarym goragçy 2023-nji ýylda geçirilen zenanlaryň arasynda futbol boýunça dünýä çempionatynyň ýeňijisi boldy hem-de bu ýaryşyň iň gowy oýunçysy diýlip ykrar edildi. 2022/2023-möwsüminde Aýtana Kataloniýanyň “Barselonasynyň” düzüminde Ispaniýanyň çempionatynda ýeňiş gazandy.
Bonmatiden başga-da, dalaşgärleriň üçlügine dünýä çempionatynyň finalynda ýeke-täk goly geçiren ispaniýaly Olga Karmona we “Çelside” çykyş edýän awstraliýaly Sem Kerr girdi.
