Bu karar 2023-nji ýylyň 30-njy awgustyndan güýje girer.
Hytaýyň Daşary işler ministrliginiň metbugat sekretary Wan Wenbin Hytaýyň indi daşary ýurtlulardan antigene we ýokanjyň nuklein kislotalarynyň (PZR) barlygyna negatiw netijäni talap etmejekdigini aýtdy.
Ýerli düzgünleşdirijileriň howa menzillerinde saýlama PZR barlaglaryny geçirmegini dowam etdirjegi-etmejegi entek belli däl diýip, Tourdom syýahatçylyk platformasy belleýär.
Hytaý 2022-nji ýylyň ahyryna çenli Covid-19 üçin "nol çydamlylyk" syýasatyny alyp barypdy, ýöne köpçülikleýin nägileliklerden soň çäklendirmeleri ýeňilleşdirip başlady.
Mysal üçin, 2023-nji ýylyň 8-nji ýanwaryndan başlap ýurda girýänler diňe gelmezden 48 sagat öň tizbarlagdan geçmeli we saglyk sowalnamasynyň netijesini görkezmeli edildi. Ondan öň gelenlerinde barlanmalydylar we ýörite bellenen myhmanhanalarda karantini berjaý etmeli bolupdylar.
15-nji martda Hytaý daşary ýurtlulara wiza bermäge başlady.
