Bentley nobatdaky atyryny çykardy: bu gezek ol erkekler üçin niýetlenen bolup, iňlis brendiniň awtoulaglarynyň “aýratyn gara” modifikasiýalaryna meňzeş stilde ýasaldy. Aňrybaş, deri ysynyň äheňindäki hoşboý ysyň bir çüýşesiniň bahasy 69 funt sterling (88 dollara sähel ýetenok).
Firmanyň hasaplamalaryna görä, alyjylaryň takmynan 40% -i Bentley-niň daşy gara bezegli “Blackline” görnüşini saýlaýarlar. Bentley for Men Black Edition Eau de Parfum atly täze atyr hut şolar üçinem niýetlenendir.
Hoşboý ysyň ilkinji, iň täze tolkuny benewşäniň we mandariniň yslaryny berýär. Soň bolsa ol paçuliniň we ýaseminiň ysy bilen açylýar, agyr şleýf fazasy kedr, müşk, deri we temmäki alamatlaryndan durýar. Hoşboý ysyň awtory Doroti Pio atyryň berýän duýgusyny täze awtoulagyň ysy bilen deňeşdirýär.
Çüýşäniň dizaýny awtoulaglarda ulanylýan stilde ýasalýar. Ol gara aýnadan ýasalyp, üstünde ýalpyldawuk kümüş bölegi bilen bezelipdir - awtoulagyň kapotundaky maskota ýykgyn edýär, köplenç, hatda Blackline bezeglisi saýlananda hem hromly bolmagynda galýar.
