Madonna Britni Spirsiň dünýä boýunça ýubileý gezelenç konsertinde (turynda) sahnada özi bilen bilelikde çykyş etmegini isleýär.
Bellenilmegine görä, 65 ýaşly Madonna 41 ýaşly Britni Spirs bilen bilelikdäki «Me Against the Music» atly hit aýdymynyň 20 ýyllygyny bellemegi meýilleşdirýär.
Aýdymçylar köpden bäri dostlukly gatnaşykdadyrlar, hatda olar şol bir agent bilen hyzmatdaşlyk edýärler. 2022-nji ýylyň iýun aýynda Madonna Britni Spirsiň Sem Asgari bilen durmuş toýunda myhmanlaryň arasynda boldy. Onda aýdymçylar bilelikde «Vogue» aýdymyny aýtdylar.
2003-nji ýylyň awgust aýynda «MTV Video Music Awards» dabarasynda ýyldyzlar meşhurlyk gazanan bilelikdäki çykyşlaryny ýerine ýetirdiler. Spirs 2008-nji ýylyň noýabr aýynda Madonnanyň «Sticky & Sweet Tour» turynda hem sahnada çykyş etdi.
