Saud Arabystanynyň Futbol federasiýasy ýurduň çempionatynda ýeňiji bolan toparyň Çempionlar ligasyna gatnaşmagy üçin ýörite çakylyk (wild card) bermek haýyşy bilen Ýewropa futbol assosiasiýalarynyň birleşigine (UEFA) ýüz tutup biler diýip, RIA Nowosti «Corriere dello Sport» neşirine salgylanyp habar berýär.
Saud Arabystanynyň futbol toparlary 2024/25-nji möwsümden başlap, Çempionlar ligasyna gatnaşmaga mümkinçilik almak isleýärler, şonda toparlaýyn tapgyryň ýerine şweýsar ulgamyna laýyklykda oýnaýan 36 toparyň gatnaşmagynda täze format dörediler.
Munuň «Al-Ittihad», «Al-Ahli», «Al-Nasr» ýa-da «Al-Hilal» ýaly toparlara has uly halkara abraýyny gazanmaga, Ýewropanyň iň gowy futbol toparlary bilen güýç synanyşmaga hem-de bu düzüme we oýunçylara sarp edilen serişdelere garamazdan, bar bolan korporatiw yzagalaklygy aradan aýyrmaga mümkinçilik berjekdigi bellenilýär.
Häzirki wagtda Saud Arabystanynyň futbol toparlary iki halkara ýaryşyna gatnaşýarlar: Arap çempionlarynyň kubogy we Aziýa futbol konfederasiýasynyň Çempionlar ligasy (AFK).
