Nike kompaniýasy krossowka bazarynyň 18 %-ni eýeleýär we bu ugurda öňdebaryjydyr. Bu barada Statista habar berilýär.
Statista Market Insights-yň habaryna görä, ikinji orunda Nike-yň eýeçiligindäki we bazaryň 11 %-ni eýeleýän Jordan brendi durýar. Adidas 9 % bilen üçünji, Skechers we Vans 7 % bilen dördünji we bäşinji, MoonStar brendi 5% bilen altynjy orunda durýar. Nike-yň eýeçiligindäki New Balance and Converse bazaryň 4 göterimini eýeledi.
Statista-nyň seljerijileri häzirki wagtda krossowka bazarynyň möçberiniň 75 milliard dollardygyny çaklaýarlar. 2028-nji ýyla çenli takmynan 100 milliard dollara ýeter diýlip garaşylýar.
Nike kompaniýasy 1964-nji ýylyň 25-nji ýanwarynda Fil Naýt tarapyndan esaslandyryldy we başda Blue Ribbon Sports diýlip atlandyryldy. Bu brende 1978-nji ýylda Nike diýip at berildi. Kompaniýa häzir Nike brendi we Nike Golf, Nike Pro, Nike +, Air Jordan, Nike Blazers, Air Force 1, Nike Dunk, Air Max, Foamposite, Nike Skateboarding, Nike CR7, Hurley International we Converse markaly harytlary satýar.
