8-nji awgustda zenanlaryň arasynda futbol boýunça Dünýä çempionatynyň 1/8 finalynyň soňky duşuşyklary geçirildi.
Kolumbiýanyň milli ýygyndysy Ýamaýkadan 1:0 hasabynda üstün çykdy. Beýleki duşuşykda bolsa fransiýaly zenan futbolçylar Marokkonyň zenanlar ýygyndysyny 4:0 hasabynda ýeňdiler.
Şeýlelikde, çempionatyň çärýek finalyna gatnaşjak ähli jübütler mälim boldy:
- Ispaniýa – Niderlandlar;
- Ýaponiýa – Şwesiýa;
- Angliýa – Kolumbiýa;
- Fransiýa – Awstraliýa.
1/4 final duşuşyklary 11-nji we 12-nji awgustda geçiriler. Zenanlaryň arasynda dünýäniň häzirki çempiony bolan ABŞ-nyň ýygyndysy çempionatyň 1/8 final duşuşygynyň penalti tapgyrynda Şwesiýadan ýeňildi.
