«Arsenal» futbol kluby «Mançester Sitiden» üstün çykyp, 17-nji gezek Angliýanyň futbol boýunça Superkubogyny eýeledi.
«Uembli» stadionynda geçirilen duşuşygyň esasy wagty 1:1 hasabynda tamamlandy. 11 metrlik jerime urgularynda «Arsenal» 4:1 hasabynda ýeňiş gazandy.
Soňky gezek «Arsenal» Angliýanyň Superkubogyny 2020-nji ýylda gazanypdy.
Angliýanyň Superkubogy ugrundaky ýaryşda ýurduň çempiony bilen Kubogynyň eýesi duşuşýar. Geçen möwsümde bu iki baýragy hem «Mançester Siti» eýeledi. «Arsenal» çempionatda ikinji orny eýelän klub hökmünde Superkubokda çykyş etdi.
