Minskide 22 ýurtdan gelen türgenleriň gatnaşmagynda GDA ýurtlarynyň ikinji oýunlary başlaýar. Arkalaşygyň 9 ýurdunyň toparlary, şeýle hem GDA girmeýän ýurtlar, şol sanda Eýran, Müsür, Malaýziýa, Liwan, Birleşen Arap Emirlikleri, Wýetnam we Kuba ýaryşa gatnaşýar.
GDA ýurtlarynyň oýunlaryna gatnaşmak üçin 22 ýurtdan 2214 türgen hasaba alyndy. Oýunlaryň dabaraly açylyşy 5-nji awgustda Minsk-Arenada bolar, ertesi gün GDA ýurtlarynyň sport ministrleriniň ýygnagy geçiriler.
GDA ýurtlarynyň II oýunlarynyň maksatnamasyna basketbol 3x3, boks, woleýbol, gandbol, dzýudo, karate, ýeňil atletika, kiçi futbol, suwda ýüzmek, kenar woleýboly, kenar futboly, sambo, häzirki zaman pentatlony, göreş, ýaý atmak, ok atmak, taý boksy, agyr atletika, otda oýnalýan hokkeý, çeper gimnastika.
Bäsleşikler Belarusuň 11 şäherinde geçer. Brestde gandbol we suwda ýüzmek boýunça ýaryşlar, Grodnoda bolsa agyr atletika we otda oýnalýan hokkeý ýaryşlary geçer. Witebsk we Orşa - taý boksy we boks, Mogilew - ýaý atmak we karate, Gomel - dzýudo, Žlobin – sambo ýaryşlaryna gatnaşýan türgenleri kabul eder. Minsk oblastynda türgenler kenar woleýboly, kiçi futbol, erkin, grek-rim göreşinde we aýallar göreşinde bäsleşerler. Minskde sportuň ýedi görnüşi boýunça bäsleşiler, olaryň biri häzirki zaman pentatlony bolar.
