Alžirli hüjümçi Riýad Marez «Mançester Siti» iňlis klubundan Saud Arabystanynyň «Al-Ahli» klubuna geçdi. Bu barada «Mançester Sitiniň» metbugat gullugy habar berýär.
Futbolçy bilen şertnama 2027-nji ýyla çenli niýetlenen. Öň La Gazzetta dello Sport italýan neşiriniň žurnalisti Nikolo Skiranyň habar bermegine görä, saud kluby Mareziň transferi üçin 35 million ýewro töleýär, oýunçynyň ýyllyk aýlygy bolsa 30 million ýewro bolar.
Marez 32 ýaşynda, ol «Sitide» 2018-nji ýylyň tomsundan bäri çykyş edip gelýärdi. Iňlis klubunyň düzüminde ol dürli ýaryşlarda 236 oýna gatnaşdy, 78 gol we 59 asist etdi. «Siti» bilen dört gezek Angliýanyň çempiony, üç gezek Liga kubogyny, iki gezek — Angliýanyň Kubogyny, bir gezek Çempionlar ligasyny we Angliýanyň Superkubogyny gazandy.
