«Inter Maýaminiň» hem-de Argentinanyň milli ýygyndysynyň hüjümçisi Lionel Messi Ligalaryň kubogyndaky «Atlanta» garşy duşuşykda özboluşly rekord eýesi boldy.
Opta statistika portalynyň habar bermegine görä, 36 ýaşly günorta amerikaly futbolçy duşuşykda dubl edip, dürli derejeli professional klublaryň ýüz sanysynyň derwezesine gol geçirdi.
«Inter» — «Atlanta» oýny Maýamidäki klubuň peýdasyna 4:0 tamamlandy. Messiniň hasabynda iki gol we bir sany netijeli ýardam pasy bar.
Messi «Inter Maýami» klubuna şu ýylyň iýul aýynda erkin agent görnüşinde geçdi.
