Galactic 02 diýlip atlandyrylýan uçuş 10-njy awgustda Nýu-Meksikodaky Spaceport America kosmodromyndan amala aşyrylar. Bu, 29-njy iýunda Italiýanyň Harby-howa güýçleri we Milli gözleg geňeşi (CNR) üçin üstünlikli geçirilen missiýadan soň kompaniýanyň ikinji täjirçilik kosmos uçuşy bolar.
Uçuşa kosmosa professional gatnaşygy bolmadyk adamlardan we tejribeli uçarmanlardan ybarat ekipaž gatnaşar.
“VSS Unity orbital uçarynda 1972-nji ýylda geçirilen Olimpiýa oýunlaryna gatnaşyjy, 80 ýaşly Jon Gudwin we Space for Humanity telekeçilik däl gurama tarapyndan geçirilen ýaryşda ýeňiji bolan, Karib adalarynyň ýaşaýjylary Keýşa Şahaff we onuň gyzy Anasteýşa Maýers bolar” - diýip, kompaniýanyň web sahypasyndaky beýannamada aýdylýar.
Ekipažy Wirgin Galactic-iň esasy astronawt-gözükdirijisi Bet Musa ugrukdyrar, bu onuň kosmosa dördünji uçuşy bolar. Şeýle hem kompaniýa missiýany web sahypasynda ýaýlyma bermegi meýilleşdirýär.
Virgin Galactic Jeff Bezosyň Blue Origin-i we Ilon Maskyň SpaceX-i bilen bir hatarda täjirçilik kosmos gatnawlaryny guramak bilen meşgullanýan az sanly amerikan kosmos kompaniýalarynyň hataryna girýär.
