Latwiýanyň täze saýlanan prezidenti Edgars Rinkewiçs döwlet Baştutany wezipesine girişdi. Şenbe güni ol Seýmanyň (mejlisiň) nobatdan daşary mejlisinde prezidentiň Latwiýa wepalylyk kasamyny berdi.
"Meniň ähli işlerimiň Latwiýanyň halkynyň abadançylygyna bagyşlanjakdygyna kasam edýärin. Men Latwiýanyň konstitusiýasyny we ýurduň kanunlaryny berjaý ederin hem-de olara hormat goýaryn. Hemmelere adalatly gararyn we borçlarymy ynsap bilen ýerine ýetirerin" diýip, ol kasamyň tekstini okady.
49 ýaşly Rinkewiçs Latwiýa uniwersitetiniň Taryh we filosofiýa fakultetini, ABŞ-nyň Milli goranmak uniwersitetiniň milli çeşmeler strategiýasy kollejini gutardy. Žurnalist bolup birnäçe ýyl işlänsoň, döwlet gullugyna girdi. 1995-nji ýyldan bäri Latwiýanyň Daşary işler ministrliginde işledi, soňra prezident edarasyna, 2011-nji ýylda Daşary işler ministrligine ýolbaşçylyk etdi.
