Marca neşiri möwsümiň iň gowy futbolçysyny saýlady

  • 03.07.2023 12:11
  • 20k+
Marca neşiri möwsümiň iň gowy futbolçysyny saýlady

Ispaniýanyň “Marca” neşiri 2022/23-möwsüminiň iň gowy futbolçylarynyň reýtingini hödürledi. Sanawda birinji orny “Mançester Sitiniň” norwegiýaly hüjümçisi Erling Holand eýeledi. Ikinji orunda “Inter Maýaminiň” argentinaly hüjümçisi Lionel Messi ýerleşdi, üçlügi Madridiň “Realyndan” braziliýaly Winisius Žunior jemleýär. Reýtingiň ilkinji bäşligine “Pari Sen-Žermeniň” oýunçysy Kilian Mbappe we “Mançester Sitiden” belgiýaly Kewin de Brýoýne hem girdi diýip, gazeta.ru belleýär.

Holand geçen möwsümde “Mançester Sitiniň” iň gowy oýunçysy diýlip saýlandy. Ol ähli ýaryşlarda 52 oýna gatnaşyp, 52 gol geçirdi we dokuz netijeli geçirim etdi.
Belläp geçsek, bu norwegiýaly oýunçy üçin Angliýanyň Premýer-ligasynda ilkinji möwsüm. Onuň klub bilen şertnamasy 2027-nji ýyla çenli niýetlenýär. Ol 2022/23-möwsüminde topar bilen bilelikde Angliýanyň çempionatyny, ýurduň Kubogyny we Çempionlar ligasyny utdy.

N'Golo Kanteniň «Fenerbahçä» transferi resminama alşylanda ýalňyşlyk sebäpli ýatyryldy
düýn 19:59
2.7k+

N'Golo Kanteniň «Fenerbahçä» transferi resminama alşylanda ýalňyşlyk sebäpli ýatyryldy

Ýarym goragçy N'Golo Kanteniň ​«Al-Ittihad» saud klubundan Türkiýäniň «Fenerbahçe» toparyna amala aşyrylmaly  transferi tehniki näsazlyk sebäpli ýatyryldy. Stambul klubunyň metbugat gullugynyň habar bermegine görä, transferiň bökdenmegi taraplaryň arasynda resminama çalşygy mahalynda ýüze çykdy...

Lukman «Atletiko» Madridiň düzüminde oýna çykar, «Liwerpul» 72 mln ýewro goragçy aldy
düýn 10:14
3.2k+

Lukman «Atletiko» Madridiň düzüminde oýna çykar, «Liwerpul» 72 mln ýewro goragçy aldy

Angliýanyň «Liwerpul» futbol kluby Fransiýanyň «Renn» toparynyň 20 ýaşly goragçysy Žeremi Žakeni transfer edendigini resmi taýdan yglan etdi. Ýaş goragçy iňlis klubuna şu ýylyň tomsunda goşular. Insaýder Fabrisio Romanonyň berýän maglumatyna görä, fransuz goragçysy mersisaýdlylara 60 million ýewro düşdi...

Karim Benzema resmi taýdan «Al-Hilýalyň» oýunçysy boldy
düýn 09:57
4.4k+

Karim Benzema resmi taýdan «Al-Hilýalyň» oýunçysy boldy

Fransiýanyň milli ýygyndysynyň öňki hüjümçisi Karim Benzema «Al-Hilýal» klubuna geçdi. Bu barada klubuň metbugat gullugy «X» sosial ulgamyndaky resmi sahypasynda habar berdi. Öň «Al-Ittihadda» çykyş eden 38 ýaşly futbolçy Saud Arabystanynyň Pro-ligasynyň häzirki lideri «Al-Hilýal» bilen 2027-nji ýylyň tomsuna çenli şertnama baglaşdy...

Ronaldu "Al-Nasr" üçin meýdança çykmakdan ýüz dönderýär. Onuň Aşgabada gelmegi sorag astynda
02.02.2026 12:22
18k+

Ronaldu "Al-Nasr" üçin meýdança çykmakdan ýüz dönderýär. Onuň Aşgabada gelmegi sorag astynda

Kriştianu Ronaldu ýene-de üns merkezine düşdi. Ýöne bu gezek gollary bilen däl-de, dörän gapma-garşylyklar sebäpli düşdi. Portugaliýanyň «A Bola» neşiriniň habar bermegine görä, ýyldyz hüjümçi «Al-Nasryň» «Er-Riýad» toparyna garşy geçirjek nobatdaky duşuşygyna gatnaşmazlygy mümkin...