UEFA Superkubok ugrundaky oýunlaryň geçiriliş görnüşini üýtgetdi

  • 01.07.2023 14:17
  • 13k+
UEFA Superkubok ugrundaky oýunlaryň geçiriliş görnüşini üýtgetdi

Mundo Deportivo ispan neşirinde UEFA-nyň Ýewropanyň Superkubogy ugrundaky oýnuň formatyny üýtgedendigi habar berilýär.

Täze girizilen üýtgeşmelere görä, oýna berlen esasy wagtda yzygiderli deňme-deň oýnalsa, garşydaşlaryň hersi 15 minutdan iki goşmaça ýarym oýny oýnamagyň ýerine, derrew 11 metrlik jerime urgusyna başlarlar.
2023-nji ýylda geçiriljek UEFA-nyň Superkubogy ugrundaky oýunda 2022/2023 möwsüminde Çempionlar ligasynda ýeňiji bolan “Mançester Siti”, şeýle hem Ýewropa ligasynyň häzirki ýeňijisi bolan “Sewilýa” oýnar. Duşuşyk 16-njy awgustda, çarşenbe güni, Pireýde (Gresiýa), “Karaiskakis” stadionynda geçiriler.
Kubogyň häzirki eýesi frankfurtly “Aýntraht”-dan üstün çykan madridli “Real”-dyr (2:0).

VAR ulgamynyň ýygy-ýygydan goşulmak meselesi sebäpli UEFA sammit geçirer
şu gün 14:47
31

VAR ulgamynyň ýygy-ýygydan goşulmak meselesi sebäpli UEFA sammit geçirer

UEFA Ýewropanyň öňdebaryjy futbol ligalarynyň wekilleriniň gatnaşmagynda VAR ulgamynyň ulanylyşyny maslahatlaşmak üçin tomusky sammiti geçirer. «Bi-bi-si-niň» habar bermegine görä, bu duşuşygyň geçirilmegini guramanyň eminler komitetiniň başlygy Roberto Rozetti öňe sürdi...

«Mançester Siti» «Arsenaly» utup, 9-njy gezek Liganyň kubogyny gazandy
şu gün 05:29
3k+

«Mançester Siti» «Arsenaly» utup, 9-njy gezek Liganyň kubogyny gazandy

«Mançester Siti» Angliýanyň ligasynyň kubogynyň finalynda Londonyň «Arsenal» toparyny 2:0 hasabynda ýeňlişe sezewar etdi we öz taryhynda dokuzynjy gezek bu kubogyň eýesi boldy. Duşuşyk Londonyň «Wembley» stadionynda geçirildi...

Mehiko köpçülikleýin futbol türgenleşigi boýunça Ginnesiň rekordyny goýdy
21.03.2026 18:45
4.8k+

Mehiko köpçülikleýin futbol türgenleşigi boýunça Ginnesiň rekordyny goýdy

Mehiko şäheriniň meşhur Sokalo meýdançasynda taryhda iň uly köpçülikleýin futbol türgenleşigi geçirildi. Oňa 9 500 adam gatnaşdy we bu görkeziji täze dünýä rekordyny goýmaga mümkinçilik berdi. Çäre wagtynda uly meýdança äpet, açyk asmanyň astyndaky türgenleşik meýdançasyna öwrüldi...

Ýewropa ligasynyň we Konferensiýa ligasynyň 1/4 finalynyň ähli gatnaşyjylary belli boldy
20.03.2026 13:05
7.8k+

Ýewropa ligasynyň we Konferensiýa ligasynyň 1/4 finalynyň ähli gatnaşyjylary belli boldy

2025/26-njy ýyl möwsüminiň Ýewropa ligasynyň we Konferensiýa ligasynyň 1/8 final duşuşyklary tamamlanyp, ýewrokuboklaryň çärýek finalyna çykan ähli toparlar kesgitlenildi. Ýewropa ligasynyň 1/8 finalynyň netijeleri:...