Ispaniýa UEFA Milletler ligasynyň ýeňijisi boldy. Italiýa üçünji ýer.

  • 19.06.2023 13:49
  • 13k+

Ispaniýanyň milli ýygyndysy UEFA Milletler ligasynyň final duşuşygynda oýundan soňky 11 metrlik urgular boýunça Horwatiýadan üstün çykdy. Duşuşyk ýekşenbe güni Niderlandlaryň Rotterdam şäherinde geçirildi.

Duşuşygyň esasy hem goşmaça wagty 0:0 hasabynda tamamlandy. Oýundan soňky 11 metrlik urgularda ispaniýalylar 5:4 hasabynda üstün çykdylar.
Milletler ligasynyň bu gezekki ýaryşy taryhda üçünji boldy. Ispaniýa ýaryşda ilkinji gezek ýeňiş gazandy. Ondan öň, Portugaliýa (2019) we Fransiýa (2021) çempion bolupdy.
Şeýle hem ýekşenbe güni Enshedde (Niderlandlar) geçirilen duşuşykda Italiýanyň futbolçylary 3:2 hasabynda Niderlandlary ýeňip, ýaryşda üçünji orny eýelediler.
UEFA Milletler ligasynyň maksady ýoldaşlyk duşuşyklaryny güýç taýdan deň bolan resmi oýunlar bilen çalşyrmak bolup durýar. Milletler ligasynyň final tapgyryna iň güýçli diwizionyň toparlarynyň dört sany ýeňijisi çykýar.
Milletler ligasynyň indiki ýaryşyny 2024-nji ýylyň sentýabryndan 2025-nji ýylyň iýun aýlarynda geçirmek meýilleşdirilýär.


şu gün 11:36
5.7k+

«Barselona» öýüne dolanýar: Täzelenen "Kamp Nouda" geçiriljek ilkinji duşuşygyň senesi belli boldy

  "Barselona" futbol kluby resmi taýdan "Spotify Kamp Nou" stadionyna dolanýandygyny yglan etdi. Abatlaýyş işleri tamamlanandan soňky ilkinji duşuşyk 2025-nji ýylyň 10-njy awgustynda - her ýyl geçirilýän Joan Gamper Kubogynyň çäginde geçiriler...

düýn 19:28
2.6k+

EA Sports FC 26-da Ibragimowiç, Inýesta, Totti we beýleki rowaýaty oýunçylar peýda bolar

Electronic Arts kompaniýasy futbol simulýatorynyň täze görnüşiniň — EA Sports FC 26 oýnunyň tanyşdyrylyşyna taýynlyk görýär. Oýun iýul aýynda resmi taýdan hödürlener, onuň çykjak senesi bolsa sentýabryň soňlaryna garaşylýar...

düýn 12:05
9.4k+

Klublaýyn dünýä çempionatynyň 1/8 finalyna gatnaşyjylaryň ählisi belli boldy

Amerikanyň Birleşen Ştatlarynda futbol boýunça Klublaýyn dünýä çempionatynyň toparçalaýyn tapgyrynyň 3-nji duşuşyklarynyň soňky oýun güni tamamlandy. H toparyň jemleýji duşuşyklarynda Madridiň «Realy» «Zalsburgy» 3:0 hasaby bilen ýeňdi...

düýn 10:22
8.3k+

Ronaldu "Al-Nasr" bilen şertnamasyny 2027-nji ýyla çenli uzaltdy

Kriştianu Ronaldu Saud Arabystanynyň «Al-Nasr» futbol kluby bilen şertnamasyny 2027-nji ýylyň tomsuna çenli uzaltdy. Bu barada toparyň resmi saýty habar berdi. 40 ýaşly portugaliýaly hüjümçiniň öňki şertnamasy 2025-nji ýylyň 30-njy iýunynda tamamlanmalydy...