Argentinanyň milli ýygyndysynyň hüjümçisi Lionel Messi Awstraliýanyň toparyna garşy dostlukly oýnuň dowamynda karýerasyndaky iň çalt goly geçirdi. Oýun 15-nji iýunda Pekinde geçirildi.
Messä hasaby açmak üçin 79 sekunt gerek boldy. Ol goly merkez bilen jerime meýdançasynyň gyrasyna ylgap, çep aýagy bilen saldy.
68-nji minutda Awstraliýanyň milli ýygyndysynyň derwezesine ikinji goly German Pesselýa saldy. Oýun 2:0 hasabynda tamamlandy.
Messi iň çalt gol boýunça öňki rekordyny 2018-nji ýylda goýupdy. Şonda ol Ispaniýanyň "Barselonasynda" oýnamak bilen Çempionlar ligasynyň Angliýanyň "Çelsi" klubuna garşy oýnunyň 127-nji sekuntynda hasaby açdy.
