Täze möhlete gaýtadan saýlanan Türkiýäniň prezidenti Taýyp Ärdogan 3-nji iýunda parlamentde kasam eder we şol gün ýurduň täze hökümetiniň düzümini yglan eder. Muny penşenbe güni T-24 teleýaýlymynda Türkiýäniň prezidentiniň administrasiýasynyň aragatnaşyk bölüminiň başlygy Fahrettin Altun habar berdi.
Altyn: "Ärdoganyň kasam kabul edişligi parlamentde geçiriler. Soňra ol prezident köşgünde kasam kabul ediş dabarasyna gelen daşary ýurtly ýolbaşçylary we wekilleri kabul eder. Şol gün agşam prezidentimiz täze hökümetiň düzümini yglan eder" - diýdi.
Ankaranyň syýasy toparlarynyň çeşmesiniň TASS-a beren habaryna görä, Ärdogan kasam kabul etjek ýeri bolan parlamente ýerli wagt bilen sagat 14: 00-da (Moskwa wagtyna gabat gelýär) geler. 15:00-da ol Türkiýe Respublikasyny esaslandyryjy Kemal Atatürküň mawzoleýine baryp görer we şol ýerden Beştepe prezident toplumyna baryp, kasam kabul ediş dabarasy mynasybetli Türkiýä gelen daşary ýurt wekillerini kabul eder. Ol ýerde olaryň hormatyna agşamlyk naharyny berer we sagat 22:00-da täze hökümetiň düzümini yglan eder.
Penşenbe güni Türkiýäniň Merkezi saýlaw topary 28-nji maýda geçirilen prezident saýlawlarynyň ikinji tapgyrynyň jemleýji netijelerini yglan etdi. Saýlawyň netijelerine görä, Ärdogan 52,18% ses alyp, gaýtadan saýlanan döwlet baştutany diýlip ykrar edildi, bäsdeşi, oppozisiýanyň lideri Kemal Kylyçdaroglu 47,82% ses aldy.
